Sfortunatamente non conosco l'autore dello scatto e i miei genitori non ricordano bene la provenienza del regalo. Ad ogni modo, mi sento di dover esprimere un sentito "grazie" al misterioso fotografo per averci consegnato questa magnifica cartolina del passato. Non ho difficoltà a dire che si tratti di una delle immagini di Motta più significative dell'ultimo cinquantennio.
____________________________
Autore: sconosciuto
Titolo: Vista aerea di Motta Sant'Anastasia
Luogo: Motta Sant'Anastasia (CT)
Formato originale: fotografia bianco e nero 50x60 cm.
Datazione: anni '60-'70 probabilmente.
 |
Per visualizzare l'immagine in dimensioni originali clicca QUI. |
______________________________
ARCHIVIO FOTOGRAFICO
Consulta l'archivio fotografico delle immagini presenti sul blog.
Le immagini presenti in questa sezione sono state pubblicate esclusivamente per il loro notevole valore storico-artistico, nonchè per rendere un tributo a tutte quelle persone che hanno caratterizzato la vita del nostro piccolo paese. Qualora riconosciate che taluni scatti ritraggano voi od uno dei vostri cari, e tali scatti non risultino conformi con le finalità sopra dichiarate, vi invitiamo a leggere la sezione "Contatti ed Info" per chiederne la modifica o la rimozione.
MOTTA SANTA ANASTASIA
RispondiEliminaU CASTEDDU, A MATRICI E TANTI CHISTIANI BONI...
U me Paisi e u Paisi di tutti i Muttisi...
C'era na vota mpaisi che ciancianeddi, che pecuri e che scecchi...tutti erunu filici e tutti erunu cuntenti...su dicu ca stu postu era na faula, dicu picca e nendi...i casi erunu tutti ncucchiati e i gintuzzi si sinteunu appiddaveru vicini e erunu quasi tutti parenti picchi' i furasteri non si canusceunu e erunu tutti a ssi peri peri fora ro paisi a fari i ddumanneri e macari i mpaccidderi...
Pe Muttisi a cuntintizza e a filicita' era na ddi pochi liri ca a gintuzza pussideva...na vastedda, mpiattu d'alivi e mpezzu ri fummaggiu...mbiccheri ri vinu e na famigghia filici e cuntenta. Ogni duminica vistuti a festa o fossi cu na Bunaca e Ncailluni, tutti pronti nda chiesa picchi' u parrinu n'ava llinghiri a testa china ri chiacchiri, accussi a gintuzza si cunfissava e si pigghiava l'Ostia mentri u parrinu ca scusa do sangu do Divinu s'allitrava ntezzu ri vinu, ogni tantu si pulizziava cu nfazzulettu e cetti voti s'alliccava u mussu...Quannu a missa timminava i fimmineddi erunu tutti cuntenti e alliggiruti di tutti i piccati picchi' ci ll'aunu cunfiratu a Patri Sobbellu, ca nuzzinteddu non sapeva cchiu' unni mittilli e picchissu ci ristaunu ndi la panza sempri china comu na vilanza. Ora a gintuzza era tutta fora a pigghiari aria e a salutari amici e parenti, poi cu pigghiava a manca e cu eva o rittu...cettu i fimminuzzi a casa e i masculazzi a ssi peri peri nda chiazza a pinnuliari o a fari i mpaccidderi ndo vavveri...era appiddaveru ri sta manera, tutti i ionna na festa e risati a non finiri, macari cu na vastedda o ncucciddatu e ogni duminica na mpatriata pi essiri sempri filici e cuntenti cu l'amici mpinitenti e sempri cu la sicaretta nfra li denti...
Com'era beddu u paisi quannu erumu tutti Muttisi e ni chiamaumu co peccu pi tradizioni e sodisfazioni...com'era bedda Motta che so straduzzi e i so' vaneddi, ca ancora oggi mi pari di virilli....
A Mmaculata, A Matrici, U Casteddu, Sutta e Potti, Sutta e Mura, U Poi A Vaddia, U Cavvariu, a strada ndacchi ndacchi, A Chiazza, Arreri Sant'Antuninu, a Petra Scinnichendi, a Furriata e Manniri, Tiriti', i casi popolari, u Puzzu, a Vanedda, u cinima all'apettu...
u Cavvunaru, u Cavaleri, u Scinziatu, u Putiaru, u Zu Natali u Niuru, u bummularu, u Munnizzaru, u Salaru, u Binzinaru, u Salumeri, a Za Franchina, u Zu Natali Giaddinaru, u bar Fisichella, u Sinnicu, l'Avvucatu Pottali, Cammelu La Pazza, Panza di vacca, Caca e Mangia, Baggiana, Sbaiana, u Sciccaru, u Ponzu, Baddocciulu, Babbi da Motta, Panzeri, u vavveri, Vavvarinu, Ninu Cinzia, a Signurina, Natali u Neulu, Natali ca Trumma, Pacchitta, Ninu u Parrinu, u Firraru, u cuddaru, u Bicichittista, u Pannitteri, l'Appuntatu Caddili, u maresciallu re carabbineri, Ginu Gozzu, Luigi u Biondu, Tinu u Scinziatu, Fulippu Iangata (Anza'), Petru Campusantaru, (Puvvirenti), John Cambial alias Gianni Limoli e Cicciu Zorru ca ristau nda storia do Paisi...u stissu paisi ca ora no esisti cchiu'...picchi' i cosi cangiunu e cangiunu pi sempri...e sempri mmantinenti...
GIANNI LIMOLI
MOTTA SANTA ANASTASIA
RispondiEliminaU ME PAISI
'NDI' LA ME MENTI OMMAI LUNTANA QUANNU A CARUSANZA ERA NA RICCHIZZA E L'OCCHI DI NA CARUSA A ME CITTIZZA, QUANNU IU' AVEVA LU CORI CA BATTEVA PPI 'MPOCU D'AMURI, PPI NA CARIZZA E NA TALIATA E PPI 'NSINTIMANTU CA ORA SI MANIFESTA CCU NA VANNIATA E CCU NA STIZZA. U ME PAISI QUANNU U PASSIARI ERA 'NDI' LA CHIAZZA, UNNI SI PARRAVA, SI RIREVA E SI SGHIZZAVA. U ME PAISI, QUANNU IU' RINISCEVA A MANGIARI 'MPEZZU DI TURRUNI MENTRI CA 'NDA' CHIAZZA PASSAUNU ANIMALI VOI E PICURUNI CA EUNU A MANGIARI VICINU LU VADDUNI, MACARI 'NCUMPAGNIA DO ZU' SIMUNI, 'NCHISTIANU CA CCI NN'ERUNU PICCA E NENTI E NON COMU ORA CA A MAGGIO' PATTI SUNU TUTTI SPARRULIATURI E FITENTI. U ME PAISI OMMAI ABBANNUNATU SENZA CCHIU' CANNALUARI N'È PASSIATI E SENZA CCHIU' VIVUTI 'NDA' L'AMICU SGRICCIU CCU L'ACQUA SEMPRI PRISENTI DI 'NTEMPU OMMAI ASSENTI...U ME PAISI OMMAI ARRIDDUCIUTU MENZU ZOPPU E SCUDDATU PICCHI' A GENTI NON E' MAI CUNTENTA DI CHIDDU CA STA VITA N'HA DATU. U ME PAISI CHE SO' CASI VECCHI E 'NCASTEDDU ABBANNUNATU FOSSI PICCHI' CHINU DI SPIDDI CA DI SIRA FANU ARRIZZARI LI CAPIDDI, U ME PAISI CO PANI DI CASA E ALIVI CUNZATI, CACOCCIULI 'NFUNNATI E ROCCULI AFFUGATI E 'NDO' MENZU CHISTIANI FOSSI ARRIPUDDUTI MA DI CETTU MAI VINNUTI. U ME PAISI IU' NON MU' SCODDU PICCHI' SEMPRI VIVU 'NDO' ME RIODDU E 'NDI' LA ME MENTI CA E' 'NCUCCHIATA CCU LU ME CORI MAI SAZIU DI TANTU AMURI. U ME PAISI E' A ME VITA CA S'ACCUZZA E SI NNI VA'. COSI CA NON CUNTUNU E RICCHIZZI SDISULATI, AMURI CUNSUMATI E TANTI VOTI SPADDATI PICCHI' SULU VINNUTI. AMURI PESSI E SENZA SENSU E SENZA MAI 'MPOCU DI PACI E QUANNU ARRIVA L'UTTIMA PALORA CA SI RICI L'UNICA COSA CA APPIDDAVERU N'ARRESTA SUNU SULU LI VERI AMICI...CIAU CORI...CIAU TERRA DI TANTU AMURI....
GIANNI LIMOLI
RispondiElimina"I ME OCCHI ADDUMMISCIUTI"
prima ca dugnu cuntu e ddenza ppi chiddu ca 'ndi' la me menti mi 'nzunnai e visti ccu tantu di binimirenza, vogghiu fari prisenti ca ccu tantu anuri m'attrou e sugnu ospitatu 'ndi' na casa ca ristau 'nda' la storia di stu paisi, picchi' cchiu' di cent'anni fa' quannu fossi c'era sulu lu ddammusu era la casa di lu Pueta Carmunu Carusu. 'Nvirita' e macari ca non ci criditi, tutti li notti ae avutu na m'brissioni fotti, anzi troppu fotti, comu di na prisenza d'arreri li potti, ma iu' fossi picchi' non criru a cosi mistiriusi e stotti, m'hae furriatu ddi l'autru latu senza pigghiarimi cura di li potti, fossi sugnu priviliggiatu o fossi mi sentu 'mpazzutu, o fossi picchi' dommu 'ndi' lu stissu postu unni na vota c'era lu ddammusu, ma iu' sugnu sicuru ca 'ndi' lu sonnu mi veni tutti li notti lu Pueta Carmunu Carusu, e fu propriu d'accussi' ca accuminciau na matina ca mi rusbigghiai ccu la testa china china e allupacchiata e mi passi di sentiri 'ndi' la chiazza na vuci vanniata, "scinniti scinniti" ammolu fovvici e cuteddi e abbessu macari pignati che cummugghi, signuri mei scinniti ca arrivau l'arrutinu ca v'abbessa fucchetti cucchiari e macari lu cuppinu. Accussi', ccu l'occhi ancora chiusi e smiciaciati, m'affacciu di lu baccuni ca duna 'ndi' la chiazza e vidu tanti genti ca acchianunu da bbiviratura e macari da unnazza, ora la chiazza mi pari china china cu li genti ca fumunu parrunu e caminunu e li sacchetti si scaminunu, mentri lu passiu ca accumencia ccu li saluti e la duvuta rivirenza, 'nda' li manu di li cristiani tonnunu li soddi di na vota e l'ammola fovvici e cuteddi ca fa furriari nda' l'acqua la so' rota, poi viru u siggiaru cca so' ugghia e a so' cuddedda e viru lu vuiaru e macari lu picuraru cco vastuni e cca so' ciaramedda, viru li genti ca caminunu e ccu cori s'arriminunu, nuddu ammutta e nuddu si vannia ma tutti arrirunu e ccu cori s'arricriunu, ora 'ndi' la chiazza arriunu tutti li chistiani di na vita passata ca era appiddaveru bedda quannu ci si salutava ccu na vanniata, c'e' chiddu ca vinni li patati e chiddu ca abbessa l'umbrella, ci sunu i picciriddi ca s'assicutunu 'ndi' la chiazza e li carusazzi ca iocunu cco ttuppetturu e a paparazza, o fossi che palancuni ca ppi vinciri i vagnaunu ccu la sputazza, poi viru genti n'pocu vecchi e ca saluti mali arridduciuti, c'e' cu fuma comu n'tuccu e macari ca accupa e resta senza ciatu ndi la ucca, ioca a briscula e a scupa e ppi soddi ci metti mminicucca, tutti sti cosi ca viru cche me occhi mungiuti e smiciaciati, succerunu ndi' la chiazza e iu' ndi' lu baccuni ca ceccu d'arrusbigghiari l'occhi macari cca sputazza, non mi pari veru e non pozzu cririri ca appiddaveru tunnau lu tempu di la fudda ndi' la chiazza ccu tutti i genti ca scinnunu do casteddu e do paisi vecchiu, da bbiviratura e macari da unnazza, e iu' di lu baccuni ca mi sentu tuttu nfilicitatu ppi tuttu chiddu ca i me occhi hana vaddatu, poi ppi minutu mi mettu a testa sutta l'acqua ddo lavantinu e finamnenti u ciriveddu ripigghia u ritmu ddo novu ionnu e do nou matinu, m'affacciu ancora ndi' la chiazza ma non viru cchiu' i chistiani ca vinnunu da bbiviratuta e da unnazza, ora viru u sdisolu di mmunnu tuttu nou, genti ca passia e senza senzu passia d'abbannou, viru genti ccu machini scunghiuruti e tinti ca curri comu mmalanou e viru genti ca parra senza sapiri chiddu ca pipitia ma u fa senza cori e ccu pazzia, ora sugnu arrusbigghiatu ndi lu baccuni e taliu e vaddu comu n'passuluni picchi' lu me sognu svaniu e si piddiu, e o so' postu viru chistiani ca non fanu mai nenti e vivunu la vita senza senzu ccu na sigaretta 'nfra li denti...
GIANNI LIMOLI